Imphal, K’lyngkot:
Ki bor pahara ki la pynjur ïa ka jingpahara ha kylleng ka jylla Manipur, da kaba bteng ïa ki jingwad bniah ba ïatreilang ban synshar ha ki jaka ba marjan bad ki jaka ba rit paid ha kylleng ki distrik, katba ki bor synshar ki pynjur ïa ki jingpyrshang ban pynneh pynsah ïa ka shongsuk shongsaiñ bad ban pynskhem ïa ki lynti pynbiang marbam ba kongsan ha ka jylla.
Kum shi bynta jong ka jingpynkhlaiñ ïa ka jingpahara, la buh haduh 117 tylli ki naka bad ki jaka talasi ha kylleng ki jaka lum bad them.
Ki heh sorkar ki la pynthikna ba watla la pynlong ïa ki jingpeit kiba bniah, hynrei ym shym la kem ïa ki briew ha ka por ba pynlong ïa ki kam, kaba pyni ïa ka jingpeitngor ban ïada ym ïa ka jingpynshitom.
Ha ka jingpynbor kaba ïadei ban ïada ïa ki mar ba kongsan, la pynthikna da kaba jop ïa ka jingleit jingwan jong ki 129 tylli ki kali kiba kit ïa ki mar ba kongsan ha ka surok bah National Highway-37.
Ki bor synshar ki la ong ba la pyntreikam ïa ki jingpynbeit pahara kiba pyrkhing bha ha baroh ki jaka kiba khia bad kiba lah ban shah ktah, da kaba pynbiang ïa ki kynhun pahara kiba don tiar ha ki jaka kiba kongsan ban pynthikna ïa ka jingïaid lynti jong ki mar khlem jingthut bad kaba shngaiñ.
Ki heh jong ka tnad pahara ki la pynpaw biang ba ka jingdon jong ki shipai kaba bteng bad ka jingpeitngor kaba bteng ka long ban khanglad ïa ki jingma kiba lah ban mih, ban pynsngewskhem ïa ki riew paidbah, bad ban pynphai biang ïa ka jinglong jingman kaba rim.
Ki jingtreikam, ki la bynrap, kin dang bteng kum shi bynta jong ka buit treikam kaba kham jylliew ban pynbeit ïa ka jinglong jingman bad ban pynthikna ïa ka jinglaitluid jong ka jingïaid jong ki tiar ba donkam ha kylleng ka jylla.
