Balei nga ong kumne, ka daw ka long ba ym dei ba pynroi ka kynthei ïa ka jait ka kynja. Dei u shynrang uba pynroi ïa ka kur ka jait, namar ka kynthei kam don symbai. Baroh ki khun kynthei bad shynrang ki dei kiba mih na u symbai jong u kpa ne u shynrang. Dei na u shynrang ba ioh ïa ka jaitbynriew kaba khlem thohbria bad kaba nylla.
Namar kum ban noh lada ka shongkha khleh lane kaba ïa poi kha bad ki bym dei Khasi, ka imlang ka sahlang ka kubur ba ki khun na ki kpa bym dei Khasi kim dei ki Khasi ne symbai Khasi. Hynrei dei tang na ka daw ba shim jait khein jait jong ka kmie la ïa khleh milai lang ka snam ki jaitbynriew bapher bapher ha ka jaitbynriew jongngi. Bad ym don shuh ka snap tynrai jong ka jaitbynriew Khasi ba la satah ka snam bad u symbai ki bym dei Khasi.
Kane ym dei ba nga ñiewbeiñ ne krenbeiñ ïa ki kynthei hynrei nga pynpaw ïa ka jingshisha ba dei na u shynrang kaba u Blei u la buh bad ai ïa u symbai longbriew manbriew ban pynroi ïa ka jaitbynriew ha kylleng ka pyrthei.
Kumta ka dei hok ban shim ïa ka jait ka kynja na u symbai ym na ka kmie ba pun ba kha.
C. B. Iawphniaw
