Shillong, K’lyngkot 29
Ka RangKynshai CC ka la pynliem noh ïa ka Young Guns CC da 7 wiket na ka bynta ban khur jingjop ha ka lympung ïalehkai Super Division Cricket League 2026 ba la pynïaid da ka Shillong Cricket Association ha ka sngi Palei.
Ha kane ka jingïa -khun kaba la long ha madan ïalehkai jong ka MCA ha Polo, ka Young Guns ka la kam trai ban kan tied nyngkong ha kaba ka la kamai 187 run bad shah pynhap wiket baroh ki nongtied ha ki 44.1 over. U Rudra Singh Rathore u la khyrwiat ïa ka shiteng spah kaba 53 run na ki 75 bol bad u Angkit Tamang u la ïoh 29 run na ki 68 bol. Katba u Charm Marbaniang bad u Ajay Duhan ki la kh ur mar 2 wiket na ka bynta ka Rangkynshai.
Haba wan shimti ïa ka pali kaba ar, ka RangKynshai ka la lah ban kynjoh sha ka thong ha ki 29.1 over da kaba kamai 189 run bad shah pynhap 3 wiket. Kane la wan lyngba ka jingïalehkai bha u Ajay Duhan uba la ïoh ban khyrwit haduh 93 run na ki 92 bol bad u Joydeepan Deb u la ïoh 68 run na ki 75 bol. Katba u Girish Ray u la khur 3 wiket na ka bynta ka Young Guns. Ïa ka nam Player of the Match la ïoh da u Ajay Duhan.
