Shillong, K’Lyngkot 30
Ka lympung ïalehkai SSA U-14 Football league 2025-26 ha ka 30 Kyllalyngkot 2026 ka la bteng da ka jingïalehkai hapdeng ka Nongkohlew SC pyrshah ïa ka Nongthymmai Nongkynrih ha madan SSA ha ka por 9 baje mynstep. Ka Nongthymmai Nongkynrih ka la jop da 6-1 kol ïa ka Nongkohlew.
Ïa ki kol la tep da u B. Nongrum ha ka minit ba 11, D.Sun 26 minit, D. Kurbah 40 minit, H. Kurbah 47 minit, D. Shabong 54 minit, H. L Marshillong 56 minit bad ka shi kol jong ka Nongkohlew SC la thep da u S. Jyrwa ha ka minit ba 30.
Ha ka jingïalehkai kaba bud ha ka por 10:20 ka Lumshyiap SC ka la pynliem noh ïa ka Umlyngka SC da 3-2 kol. Ïa ki 2 kol ka Umlyngka SC la thep da u A. Ryntathiang ha ka minit ba 4 bad u I. Thabah ha ka 60 minit, katba ki kol ka Lumshyiap SC la ïoh ban thep da u E Pale ha ka 7 & 56 minit bad u D. Shadap 20 minit.
Ka jingïalehkai ba lai ha kane ka sngi ha ka por 11:50 mynstep ha kajuh ka jaka ka long ka Rangdajied United FC ka ïakhun pyrshah ïa ka Smit SC.
Ka Smit SC ka la jop noh da 3-0 kol, ïa ki kol la ïoh ban thep da u S. L Nongbri 10 minit, D. Warlarpih 31 minit bad u B. Warjri ha ka 49 minit.
Ha ka jingïalehkai ka ba saw kaba la long ha kane ka ngi ka Mawkhar SC ka la pynliem noh ïa ka Mawshbuit SC da 3-0 kol ha ka por 12:50 shiteng sngi.
Ïa ki kol ka Mawkhar SC la thep da u B. Ryntathiang 16 & 17 minit bad u N. L Nonglait 20 minit.
Ka jingïalehkai ha ka por 2 baje nohphai sngi ka la long hapdeng ka PFR bad ka Marbisu SC. Ka PFR ka la jop kput da 12 – 1 kol ïa ka Marbisu SC. Ki kol ka la thep da ka H. Blah 7, 8, 30, 32, 34 & 39 minit, B. Dkhar 16 minit, N. Kharkongor 31 & 46 minit, O. Kharir 50 & 60 minit bad N. Kharumnuid ha ka 52 minit. Bad ka shi kol jong ka Marbisu SC la ïoh ban thep da ka B. Khyriem ha ka 12 minit.
Bad ka jingïalehkai ba khatduh ha kane ka sngi ka long ha ka por 3 baje janmiet hapdeng ka Mawtawar SC pyrshah ïa ka Shillong Lajong FC.
Ka Shillong Lajong FC ka la jop kput da 8-0 kol ïa ka Mawtawar SC, ïa ki kol la thep da u M. Marwein 15 & 23, M. Nongkynrih 19, W. Nongsiej 26, B. Dohtdong 35, S. Mawthoh 37, M. Thabah 39 bad u D. Nongpiur ha ka 43 minit.
Ki jingïalehkai ki ban don ha ka 31 tarik Kyllalyngkot 2026 ki long ha ka por 9 baje mynstep ka Laitkyrhong SC pyrshah ïa ka Summit Academy, ha ka por 10:20 ka Umphyrnai SC pyrshah ïa ka Nongrah SC, ha ka por 11:50 ka Mawlai SC pyrshah ïa ka Pynthorbah SC, por 12:50 ka New Challenger SC pyrshah ïa ka Langsning FC, por 2 baje nohphai sngi ka Sohiong SC pyrshah ïa ka Nongthymmai SC bad ha ka por 3 baje janmiet ka Nongthymmai Nongkynrih SC kan ïakhun pyrshah ïa ka Diengpasoh SC.
