Shillong, K’Lyngkot 30
Ka lympung ïalehkai Cricket League Super Division ba pynlong da ka Shillong Cricket Associa-tion 2026 ka la bteng ha ka 30 tarik Kyllalyngkot da ka jingïalehkai hapdeng ka NFU pyrshah ïa ka Sputnik Spartans CC.
Ha ka jingkynting pisa la ïoh kam trai da ka NFU, kaba la tied nyngkong bad kamai 119 ron. U Bharat Gurung u la ïoh 25 ron bad u Laxman Gurung 15 ron kiba long ki nongtied bol ba kham kynsai, katba u Jitumoni Kalita u la khur haduh 5 tylli ki wiket bad u Dilwar Khan 2 wiket.
Haba beh ïa ka thong ka Sputnik Spartans CC ka la ïoh da 120, u Kalyan Bhattacharjee u la ïoh 53 ron bad u Jitumoni Kalita 21 ron kiba la lah ban lehkai bha na bynta ka kynhun katba na ki nongkawang bol u Laxman Gurung u la ïoh pynhap 1 wiket.
Haba kut ka jingïalehkai ka Sputnik Spartans CC ka la jop da 1 ron bad 8 wiket, bad ïa ka nam ‘Player of the match’ la ïoh da u Jitumoni Kalita uba ïoh 21 ron bad khur 5 wiket.
