Shillong, K’Lyngkot 30
Ka Meghalaya Football Association (MFA), ka la wan shakhmat ba kan pynbna ba kan seng noh ïa ka shlem ai jinghikai (academy) ha ka liang ka phutbol ha ka nongbah Shillong bad ka thong hi ka long ban pynkshem ïa kane ka jingïalehkai hangne hapoh ka Jylla.
Kane ka shlem ai jinghikai ka MFA kan phai ïa ki khmat ki jong ka sha ka rukom ban ai jinghikai kaba janai, ban bteng bad ban btin lynti ïa ka jingim ïalehkai ki khynnah, ka ban plie lynti ïa ki khynnah ban bteng ha ka ban jam shakhmat ha ka Jylla bad ha ka ri hi baroh kawei.
Haba ïadei bad kane, ka MFA ka pyntip ba kan pynlong ïa ka jingpyrshang paidbah (open trials) ïa ki khynnah rit kiba la kha ha lane shwa u snem 2013 haduh 2016, kum shi bynta ban sei ïa ki sap barieh jong ki khnang ban saiñ dur janai ïa ka lawei ka jong ki ha ka kam ïalehkai.
Kane ka jingpyrshang kan long ha ka 6 tarik u Rymphang ha MFA Turf, Third Ground, Polo ka ban sdang naduh ka por 9 baje mynstep bad ïa ki jingtip ba kham bniah ki lah ban phone ha u number 9863097780 lane 9863771858.
