Shillong, K’Lyngkot 30
Ka Jylla Meghalaya ka la kynmaw burom ïa ka sngi kyrpang National Voters’ Day 2026, ha ka 30 tarik Kyllalyngkot, 2026 ha JN Basketball Court, Shillong da ka Walk for Democracy (Walkathon), bad ka jingïaid paidbah da kaba ñiah ‘cycle’ halor ka phang “My Bharat, My Vote” kaba la pynlong da ka MY Bharat, da kaba ïatreilang bad ka Ophis Chief Electoral, Meghalaya, kumjuh ka tnat Directorate of Sports and Youth Affairs, ka Ophis jong u Deputy Commissioner, ka tnat Directorate of Information and Public Relations, bad ka Sports Authority of India (SAI), ryngkat ka jingïashim bynta kaba kham jrong na ka National Service Scheme (NSS) bad ki nongtrei mon sngewbha jong ka.
Ha kane ka sngi la pynshngaiñ da ki riew pawkhmat bad ki riew donburom bad ki kongsan, u Dr. B. D. R. Tiwari, IAS, Chief Electoral Officer, Meghalaya, U Y. R. Mawlong, u Ophisar ka Joint Chief Electoral; u D. D. Shira, u Director ka Sports and Youth Affairs, U Bah Ronnie Wahlang u Additional Deputy Commissioner; U Sarvendra Pratap Singh u State Director ka MY Bharat Meghalaya bad u F. Rumnong u Ophisar ka State Nodal (NSS) bad kiwei-kiwei.
Ha kane ka prokram la sakhi ïa ka jingïashim bynta kaba bun na ki samla khamtam ki nongthep vote ba nyngkong ïa kiba la shah ai sngewbha da ki T-shirt, ki tupia da sngi, ki jingdeng ‘badges’ kiba la thoh ‘MY Bharat, My Vote’ bad la sam ïa ki EPIC card da ki VIP, ki ophisar na ki tnad bapher-bapher bad ki nongtrei mon sngewbha kiba pynpaw ïa ka jingkitkhlieh lang bad ka jingshimkhia lang. Ki jingïalang ki la long kum ka rynsan ban pynphriang ïa ka jingtip shaphang ka jingdonkam jong ka jingpynrung kyrteng ban thep vote, ki rukom thep vote, bad ka bynta jong ki samla ha ka rukom jied nongmihkhmat.
Shuh-shuh la pynlong ruh ïa ka National Voters’ Day Padyatra ha Shnong Muallian, East Jaiñtia Hills District bad ha Shnong Pasadwar, West Jaiñtia Hills District hapoh ka ophis MY Bharat Jowai Kendra, la pynkup burom ruh ïa ki nongthep vote ba nyngkong eh da ki T-shirt MY Bharat, MY Vote.
