Shillong, K’Lyngkot 30
Ki ar ngut ki ‘thei ïalehkai basketball ka Jylla, ka Iairy M Sangma bad ka Sheryll Blah ki la shah jied na ka bynta ka prokram shah hikai lane ka ‘Combined High Performance Camp’ jong ka Indian Basketball League.
Kine ki ar ngut ki la long tang lai ngut na ka thaiñ Shatei Lam Mihngi ki ban don ha katei ka thup. Ka jingshah jied jong ki ka dei lyngba ka Senior National Basketball Championships kaba la long ha Chennai.
Te kumta ka Iairy bad ka Sheryll ki la don hapdeng ka jingpynkhreh jong ka kynhun ïalehkai ka Jylla na ka bynta ka 39th National Games 2027.
