Shillong, Rymphang 01
Ka kynhun ki ‘thei ïalehkai U-17 ka India kan pynkhreh ban ïakhun pyrshah ïa ka Bangladesh ha ka jingïalehkai kaba ar jong ka SAFF U-19 Women’s Championship 2026 ka ban long ha ka lah sngi U Blei ha Pokhara Rangasala Stadium kaba ha Pokhara.
Ha kane ka lympung, ka India ka la sei da ka kynhun ïalehkai U-17 kaba long shi bynta jong ka jingpynkhreh na ka bynta ka AFC U-17 Women’s Asian Cup ka ban long ha China naduh 30 tarik u Ïaïong.
Kane ka kynhun ïalehkai ka India ha ka jingïalehkai kaba nyngkong ka la pynliem ïa ka Nepal da 1-0 kol ha ka sngi Saitjaiñ.
