U symbai dei na u shynrang, ka kynthei kam don symbai, watla phi ong kumno kumno ruh, namar u symbai ba wan pynhap u shynrang u long kum u sai teh sai khum ïa ka longbriew ka manbriew ban pynroi ïa ka jait ka kynja. Balei, namar baroh ki briew, ki mrad, ki dieng ki siej, ki jhur ki jhep ki donkam ïa u symbai ban im. Ki symbai shyieng presbin, ki symbai shyieng motor, ki symbai shyieng pathaw ki mih bha haba ngi ioh ïa u symbai uba bha. Kumjuh ki mrad kum ki Masi ki blang ki sniang, ki syiar ki roi bha haba ngi ioh ïa u symbai uba bha. Ngi iohi ba ki trai ba ri ïa ki Masi, ki blang, ki sniang ki ju leit wad niang kpa ban ioh pynkha ïa ki jing-ri jingdup jong ki. Ki briew ruh haba ki la heh la san ka la don kata ka jingkwah ne ban maïan ban shong-kha noh namar ban ioh ki khun ki kti. Ki kynthei ki dei ban wad ïa u briew uba don jingieit ïa kaba un ai ïa u symbai ha ka khnang ba kan ioh khun ioh kti. U symbai u long uba kordor naduh katta katta ha ki kynja ba im baroh. Kumta haba thung symbai riewhadem dei ban mih u riewhadem. Ha ki briew ruh haba ioh symbai phareng ne Negro watla ka kmie ka dei ka Khasi, ki khun ki dei hi ki phareng bad Negro ym ki Khasi kumba kam ka jaitbynriew jong ngi. Dei tang ha ngi ki Khasi ba u khun Negro, u khun phareng ki dei ki Khasi paka tang na ka bynta ba ai jait jong ka kmie. Kane ka rukom bud jong ngi ki Khasi ka ïalam sha ka jingduh jait noh ka doh ka snam Khasi paka. Namar dei na u symbai ba mih bad hiar pateng kano kano ka jaitbynriew ne phi ong kumno ?
C. B. Iawphniaw
