Chandigarh, Rymphang:
U nongïalam ka seng Aam Aadmi Party (AAP), u Lucky Oberoi, u la shah siat ïap ha ka sngi Thohdieng ha Jalandhar, hadien ba ki riewthombor ki bym lah ban ithuh, kiba shong ha kawei ka kali ar shaka, ki la siat ïa u, shabar jong kawei ka Gurdwara ha Jalandhar jong ka Punjab.
Katkum ka jingtip ba nyngkong la ïathuh ba la siat bunsien ïa u Oberoi shabar jong ka Gurdwara ha Model Town bad san tylli ki kuli ki la bthei ha ka por ba u dang shong ha ka kali jong u. Mar mar la pynkit noh ïa u sha ka hospital jong ki riewshimet ban ïoh ïa ka jingsumar, ha kaba u la khlad noh namar ka jingmynsaw jur jong u.
Katkum ka jingtip ba nyngkong, u Oberoi u dang pynïeng ïa ka kali jong u shabar jong ka Gurdwara haba ki nongthombor ki la wan da ka kali ar shaka bad ki la siat ïa u. Kane ka jingjia ka la pynlong ïa ki heh pulit ban pynsted ïa ka jingpyntreikam ban lap ïa ki nongthom bor.
