Mumbai, Rymphang:
Ka ïingbishar ha Thane ha Maharashtra, ka la pyllait ïa ki lai ngut ki briew kiba la shah kynnoh donkti ha ka jingïasuhbuit sniew ha ka jingthmu pynbthei bom kaba la jia ha u snem 2017 ha kaba la ong ba kane ka rai ka long naba ym shym lap ïa ki sakhi ba biang halor ka jingshah kynnoh donkti jong ki.
Ka ïingbishar ka la ong ba ka jingbym don ki nongsakhi halor ka jingdonkti jong ki bad ka jingbym pat shai ka jingdonkti jong ki ha ka jingthmu ban leh ïa ka kam pyntriem bad ka jingbym pyndonkam ïa ka SUV ha Mumbra, ka la pynmih ïa ka rai ban pyllait noh ïa ki.
U Additional Sessions Judge u A S Bhagwat u la phah ïa ka hukum ha ka 29 tarik, Kyllalyngkot, ha kaba la ai ïa ka rai ha ka sngi Balang. Ïa ka jingmudui la buh ha ka 6 tarik, Nailar, 2017, ha ka por ba ki pulit ki la pynlong ïa ka jingleit khynra ha Gousiya Compound ha ka shnong Mumbra kaba don ha Thane.
Ki kynhun tohkit ki la lap ïa ka pla ba don ki tiar pynbthei bad khyndai tylli ki tiar pynbthei ba la buhrieh hapoh kawei ka jaka jong ka SUV.
