Australia, Rymphang:
Ki bor pyniaid ka rynsan social media ‘Snapchat’, ka la khang noh ia kumba 415,000 tylli ki account jong ki paidbah bad kane ka la jia ruh ha kum kane ka por ba ka Australia ka dang pyrkhing bad khang ia ka jingpyndonkam ia katei ka jait rynsa paidbah hapoh jong katei ka ri, na ka bynta ki khynnah kiba hapoh 16 snem ka rta.
Katei ka rynsan ka la kyntu ïa ki bor synshar jong ka Australia ban pynbor ïa ki app store ban peit bniah ïa ka rta jong ki nongpyndonkam kum ka “jingïada ba kham kongsan eh” na ka bynta jong ki khynnah kiba dang hapoh katei ka rta ba la buh.
Ki platform kiba kynthup ïa ka Snapchat, Meta, TikTok bad YouTube ki dei ban khanglad ïa ki nongpyndonkam kiba dang rit ka rta ban bat ïa ki Account katkum kane ka aiñ, kaba la treikam naduh ka 10 tarik u Nohprah.
Ki kompeni ki lah ban shah dain kuna Aus$49.5 million (US$34 million) lada kim lah ban shim ia ki “jing sienjam kiba biang” ban kohnguh.
U nongpyniaid ia ka eSafety online jong ka Australia, u la iathuh ha u bnai ba la dep, ba ki kompeni heh jong ka teknoloji, ki la dep ban khang ia 4.7 million tylli ki account, kaba la wanrah ia ki “jingmih kiba kongsan”.
Haduh kaba kut jong u bnai Kyllalyngkot, ka Snapchat, ka la ong ba ka la khang lane ban khang 4,15,000 tylli ki account jong ki nongpyndonkam Snapchat ha Australia kiba dei jong ki khynnah kiba dang hapoh ka 16 snem ka rta.
