Trei shitom ka sorkar Karnataka ban pynïoh ïa ka hok jong ki khynnah skul

Bengaluru, Rymphang:

Kum shi bynta ban pynïoh ïa ka hok jong ki khynnah, ka sorkar jylla Karnataka, ka la pyntikna ba baroh ki khynnah ki dei ban shah pynrung ha ki skul bad ba kin ïoh ïa ki jinghikai kumba ki dei ban ïoh bad ha kajuh ka por ban pynbiang ïa ki jingdonkam katkum ka hok ba ki dei ban ïoh.

Kine ki khynnah ki dei kiba don ha ka rta kaba 6 bad 14 snem, ha kaba hashwa kim ïoh shuh ban leit skul, bad mynta ki la ïohlad ban leit skul biang.

Ha kaba ïadei bad kane ka bynta, ka High Court ka la buh jingthoh ha kaba ïadei bad ka jingbuh ïa ka PublicIinterest Litigation (PIL) ha u snem 2017 ïa kaba la bishar bniah da ka kynhun jong ki nongbishar ba la khlieh da u Chief Justice ha katei ka por u Prasanna B Varale.

Ki tnat Urban Development bad Rural Development ki la pynlong ïa ka jingkhmih bniah na ka bynta baroh ki khynnah ha baroh ki distrik jong ka Karnataka  na ka bynta ban lah ban antad ïa ka jingdon jong ki khynnah ki bym leit skul hadien ka jingïoh hukum ba la phah da ka High Court ha ka PIL ha ka 8 tarik, Naiwieng, 2022.

Ha u snem 2025-26, ka Karnataka ka mad ïa ka jingkylla ha ka jingpynrung kyrteng ha ki skul, ha kaba ka jingpdiang klas 1 ha ki skul shimet (\(5,10,888\) ki khynnah skul) ka tam shibun ban ïa ki skul sorkar (\(3,42,756\) ki khynnah skul).

Ban pynïaid ïa ka polisi kaba thymmai kaba dawa ba ki khynnah ki dei ban don 6 snem na ka bynta ka Class 1, ka jylla ka la pynduna ïa ka rta kaba rit tam sha ka 5 snem bad 5 bnai na ka bynta une u snem pule.

Naba ka jingïohlum jingkheiñ kam shym la lah ban pyni ïa ki jaka sah ba mynta jong ki ne don ïa ki Phone Number jong ki kmie ki kpa jong ki, haduh ba la thoh ïa ka khubor ki bor sorkar kim pat lap ïa ki.

Ka BBMP ka pynïaid ïa ki 91 tylli ki Nursery, 16 tylli ki skul rit, 33 tylli ki skul heh, bad 16 tylli ki kolej shwa ban pule ha Bengaluru, kaba mad ïa ka jingpynrung kyrteng kaba bun.

Na ka bynta ban rung, ki khynnah ha ka jingmut kaba kyllum ki donkam ban don ym duna ïa ka 5 snem na ka bynta ka Class 1 haduh ka 1 tarik u Ïaïong jong ka snem pule. Ki jingpdiang skul ki ju ïadei bad ka snem pule kaba thymmai kaba sdang ha kaba kut jong u bnai Jymmang.

Nangne shakhmat ka jingpynrung kyrteng ïa ki khynnah ha kiba bun ki skul kan sa ïai bteng ha kiba bun ki skul sorkar.