Shillong, Rymphang 24
U Myntri ba khmih ïa ka tnad ka Koit ka Khiah Bah Wailadmiki Shylla u la pyntip hapoh ka ïingdorbar ba ka Jylla ka don tang 4 ngut ki Anaesthesiologist, kaba synñiang sha ka jingduna ki doktor specialist ha ki hospital.
“Ka don ka jingduna ki doktor haba phai sha ki specialist. Ïa mynta, ngi don tang saw ngut ki Anaesthesiologist,” ong u Bah Wailad ha ka sngi Ba-ar hapoh ïingdorbar.
U la ïathuh ba ka tnad kala phah thungkam lyngba ka Medical Recruitment Board bad kala ïoh ruh ïa ka jingmang pisa.
Haba jubab ïa ka jingkylli bala wanrah da u MLA ka TMC Dr. Mizanur Kazi, u Bah Wailad u la ïathuh ba ka Bhaitbari Community Health Centre ka ïakynduh jingeh na ka jingduna doktor specialist, bad ka doktor Gynaecologist la buh ha Tura MCH namar ka jingbym don ka Operation Theatre hangtei.
“Ki don arngut ki doktor kiba shim shuti leit pule bad…kawei ka Gynaecologist la buh sha Tura MCH…namar ka jingbym treikam ka OT bad jingbym don ki Anaesthesiologist,” ong u Bah Wailad.
