Washington, Rymphang:
U President ka United States, U Donald Trump, ha ka Sngi Nyngkong, u la maham ia ki ri ka pyrthei, ba kin nym kynran dien na ki jingiateh khaïi pateng bad ka US, hadien ba ka Supreme Court, ka la weng noh ia ki khajna ba kyrkieh jongu, da kaba ong ba un pynhiar dor ia ki, da ki khajna, kiba kham heh shibun, katkum ki ain khaii pateng, bapher bapher.
U Trump, ha ki jingthoh ba la pynmih ha ki social media, u la ong ba u lah ruh ban pynngat ïa ki bai laisen ha ki paralok khaii namar ka jingbym thikna halor ki jingpynkylla dor jong u kiba hadien ka la bat ïa ka ïoh ka kot jong ka pyrthei bad phah ïa ki stock ban hiar.
“Kano kano ka Ri kaba kwah ban ‘lehkai’ da ka rai jong ka iingbishar ba ha khlieh duh kaba sngew lyngngoh, khamtam kito kiba la ‘Rip Off’ ia ka USA da ki snem, bad wat da ki phew snem, kin iakynduh ia ka Tariff kaba kham heh shibun, bad kaba kham sniew, ban ia kaba ki dang shu mynjur dang shen. KI NONGTHIED TO LONG KIBA HUSIAR BHA!!!” la thoh u Trump hapoh ka rynsan ‘Truth Social’ jong u.
U Trump u la ong ba wat hapdeng ka rai jong ka ïingbishar ban pyndam noh ïa ki dor jong u katkum ka aiñ bor kamai ba kyrkieh jong ka pyrthei, ka rai jong ka ka pynskhem ïa ka jinglah jong u ban pyndonkam ïa ki dor hapoh kiwei pat ki bor aiñ “ha ka rukom kaba kham khlaiñ bad kaba sngewsih, ryngkat bad ka jingthikna ha ka aiñ, ban ïa ki dor kumba la pyndonkam ha kaba sdang.”
U la ai jingmut ba ka US ka lah ban buh ia ki bai laisen thymmai ia ki paralok khaii, hynrei um shym la ai jingtip bniah.
U nongaiktien jong ka ophis jong u Trade Representative jong ka US um shym la jubab mardor halor ka jingkyrpad ban tip shuh shuh halor ki jingthmu jong u Trump.
