Shillong, Rymphang 24
Ka All Meghalaya Karate-Do Asso-ciation (AMKA) ka la sei 17 ngut ki nongïalehkai kynthei bad shynrang ki ban mihkhmat ïa ka Jylla sha ka 5th KIO Senior & U-21 National Karate Championship 2026 ka ban long ha Talkatora Indoor Stadium kaba ha New Delhi naduh 26 tarik mynta u bnai haduh 1 tarik u Lber.
Ïa kane ka kynhun kaba la mih na kane ka nongbah, la ïalam da ki coach kata u Bah Donboklang Lyngdoh bad u Bah Pynhunlang Kharbuli.
Ki kyrteng ki nongïalehkai bad ki ban shim bynta ha la ki jong ki kyrdan jingïakop ki long Gideon Tympuiñ (Male Kata, Male Kumite -60 Kg & Men Team Kumite), Shanderson Nongrem (Male Kumite -55 Kg & Men Team Kumite), Bhawanchwadame L Mawphlang (Male Kumite +84 Kg& Men Team Kumite), Rebeka Nongspung (Female Kata, Female Kumite -50 Kg & Women Team Kumite), Daphilahun M Wahlang (Female Kumite -50 Kg), Carene Sohïong (Female Kumite -55 Kg & Women Team Kumite), Carenia Rapthap (Female Kumite -61 Kg & Women Team Kumite), Josanky Rympei (Male Kumite -55 Kg), Paul Danny Kharmudai (Male Kata, Male Kumite -60 Kg & Men Team Kumite), Gary Daniel L Mawlong (Male Kumite -67 Kg & Men Team Kumite), Ïalamphang Kharkongor (Male Kumite -75 Kg & Men Team Kumite), Lamerphylla Damesha Kharsati (Female Kata & Women Team Kata), Larisha Kurbah (Female Kumite -55 Kg & Women Team Kumite), Barisha Kharbani (Female Kumite -61 Kg & Women Team Kumite), Damebanmerbha S Blah (Men Team Kumite), Ester Mary Lyngdoh (Women Team Kata) bad ka Elisheba Khongwar (Women Team Kata).
Na ka liang ka AMKA lyngba ka kyrwoh ba la pyllait u General Secretary u Bah Ksan Kupar Warjri, la ong ba ka la ai khublei kitbok kitrwiang ïa katei ka kynhun ba kan lah ban ïalehkai bha bad khmih lynti ba kan wanphai ryngkat ka burom na ka bynta ka Jylla hi baroh kawei.
