Shillong, Rymphang 24
U Myntri ka tnat ïalehkai ka Jylla u Bah Wailadmiki Shylla u la pynpaw ba ïa mynta ym pat lah ban shna ne thaw ïa ki kyndon ki ban tehlakam ïa ki trai kiba don ïa ki madan ïalehkai Futsal.
Ïa kane u Bah Wailadmiki u la pynpaw haba kren bad ki lad pathai khubor hadien ba la wai ka jingïalang ka kynhun Myntri, ha kaba u la ong ba ka kam ban kamai pisa lyngba ki madan futsal, ka dei kaba dangshu sdang, ha kaba la mih bun bun tylli.
Nalor kata u la ong ruh ba kane ka kam ka la kylla long ruh kum ka lad kamai ïa ki paidbah, hynrei da kaba ong pat kumne kam mut ban shu ïeh, pynban u la kam ba ka por ka la donkam ban ïa shong pyrkhat bad ban thaw ïa ki lad ki lynti. “Mardor ym pat lah ban thaw ïa kino kino ki kyndon ne ki SOP, ïa kaba la donkam ban hap ïashong pyrkhat shwa ban ïa phylliew jingmut lang bad ki trai ba don ïa ki madan futsal, hynrei na ka liang ka tnat ka koit ka khiah kan shim khia ban thaw ïa ki kyndon ne ki SOP, kum shi bynta ban ai ïa ki lad jingïada ïa ki paidbah kiba sngewtynnad ban kilanmet ha kum kine ki madan,” la bynrap u Bah Wailadmiki.
