Imphal, Lber:
U Myntri Rangbah ka jylla Manipur u Yumnam Khemchand Singh ha ka sngi U Blei, 8 tarik, Lber, u la pynbna ba T.350 klur tyngka la mang ha ka mang tyngka jong ka jylla 2026-27 ban wan na ka bynta ka bha ka miat jong kumba 3.5 lak ngut ki kynthei ha kylleng ka jylla.
U Myntri Rangbah u la pynbna ïa kane ha ka por ba u leit sha ka prokram ban rakhe ïa ka sngi burom jong ki kynthei ha Imphal.
U la ong ba katei ka jingmang pisa ka thmu ban kyrshan ïa ki kynthei bad ban pynkhlaiñ ïa ka jingim jong ki, khamtam ha ka jingeh ha ka ïoh ka kot kaba bun ki longïing ki ïakynduh namar ka jingkulmar dang shen ha ka jylla.
U Singh u la ban jur ba ki kynthei ki don ka bynta kaba kongsan ha ka jingpynroi bad ka jingïashim bynta kaba don jingmut jong ki ha kylleng ki bynta ka long kaba donkam na ka bynta ka jingroi kaba kynthup lang bad ka jingroi kaba neh.
U la bynrap ruh ba ki kynthei ha Manipur ki la long kiba hakhmat eh ban tei ïa ka jingsuk, ka jingshaniah bad ka jingïatylli hapdeng ki jaitbynriew.
Ka dorbar mang tyngka jong ka ïingdorbar jong ka Manipur ka la sdang ha ka lah sngi U Blei bad kan kut ha ka 17 tarik, Lber.
