New Delhi, Lber:
Katkum ki khubor, la ong ba ka jingleit ther bom sha ka nongbah Minab jong ka Iran, ha kawei ka skul, ha kaba 165 ngut ki la ngat ha katei ka jingjia, kham bun ki dei ki khynnah, kiba la duh ei noh ia ka jingim jongki ha katei ka jingbthei jong u ‘namding ‘Tomahawk’ u ba khlaiñ bor haduh katta.
Ha ka jingthoh kaba bniah, u Trevor Ball, u la ïasam ïa kaei kaba u la ong ba ki dei ki dur bym pat ju ïohi mynno mynno na Iran, jong u namding uba la siat ïa kawei ka iing ha ka jaka ba ïadei bad ki kynhun pahara ba pawnam, bad u la ong ba ka pyni “ha ka sien kaba nyngkong, ba ka America (ka la) siat ïa katei ka jaka”.
U Bell u la kdew ba ka US ka dei tang ma ka kaba ïashim bynta ha ka thma kaba la tip ba ka don ïa ki namding Toma -hawk. Ka Israel kam shym la tip ba ka don ïa ki namding Tomahawk.
Ban pynshai ia kata ka mat, ka video ba la pynmih da ki lad pathai khubor ka pyni ruh ia ki jingianujor hapdeng u namding uba la siat ia ka phyllaw jong ka IRGC bad ka jingpeit kham jan ia uwei pat u Tomahawk.
U Bell, u iathuh ba ia katei ka video, la leh da ka geolocated, kata, ia ka jaka kaba thikna, la pynthikna, da kaba pyndonkam ia ki jingtip digital, bad ba ka ia tyngkhuh beit bad ka jingong jong U President Donald Trump, ba ka Israel, ka dei kaba donkti ha katei ka jingjia kaba shyrkhei.
