Guwahati, Lber:
Ki la don kumba 40 lak tylli ki longïing ha Assam ha ka 10 tarik, Lber kiba la ïoh mar T.9,000 hapoh ka jingtreikam jong ka skhim Orunodoi ba kongsan jong ka sorkar jylla, ha kaba u Myntri Rangbah ka jylla u Himanta Biswa Sarma u la pynpaw ba kane ka jingpynkylla ka pyni ïa ka jingangnud jong ka sorkar ban kyrshan ïa ki longïing ba la khlieh da ki kynthei.
Ïa kane ka pisa la pynpoi beit beit sha ki Bank Account jong ki kynthei kiba ïoh jingmyntoi lyngba ka Direct Benefit Transfer (DBT) ha ka jingïalang pdeng kaba la pynlong ha Guwahati.
Ha ka jingthoh ha ka rynsan X, ka ophis jong u Myntri Rangbah ka jylla ka la batai ïa kane ka jingthmu kum ka “sienjam kaba pawnam ban pynkhlaiñ ïa ki longïing ba la khlieh da ki kynthei ha Assam.” Ka jingthoh ka la ong ba ka jingai T.9,000 sha ki longïing kiba ïoh jingmyntoi kan pynskhem shuh shuh ïa ka jingshngaiñ ha ka liang ka pisa tyngka bad ka burom jong ki kynthei ha kylleng ka jylla.
