Nongstoiñ, Lber 11
Ka West Khasi Hills Judo Association ryngkat ka jingkyrshan lang bad ka Meghalaya Judo Associa -tion, ha ka sngi Balang ka la plie ïa ka jaka ai jing-hikai halor ka jingïalehkai Judo ba la tip kum ka Judo Coaching Centre and Coaching Camp.
Ka jingthmu jong kane ka jaka aijinghikai ha kane ka thaiñ, ka long halor ka nongrim ïa kaban long ruh kum ka dak ban pynkhreh na ka bynta ka National Games 2027 ka ban sa long ha ka jylla Meghalaya.
Ha kane ka sngi plie ïa katei ka jaka aijinghikai, u Bah Pynshai G. Momin, Asst Commissioner ka West Khasi Hills District u la long kum u kongsan ha kaba la ïadon lang ruh u Bah Donkupar Khar-jana, Junior Athletic Coach na ka District Sports Officer kum u symbud kongsan.
Ïa katei ka jingïalang la pynlong ha St.Xavier’s Hall New Nongstoiñ bad la pynïaid da u Bah Bonney Kharbani, President ka West Khasi Hills Judo Association.
Na ka liang u President ka Synjuk u la wer ruh ïa ki samla, ki riew rangbah kiba thrang ban kyntiew lem ïa katei ka jingïaleh -kai ba kin wan ban rung long dkhot lang hapoh katei ka synjuk bad u ong ruh kino ki nongïalehkai kiba kwah ban ïashim bynta ha katei ka jingaijinghikai ki lah ban phone ha ki number 9402118693 khnang ban lah ïa ka ban pynbeit ryntih ïa ki kam kiba dei ban pynïaid.
