Ngi dei ban ñiewkor ïa u symbai ba ai u Blei. Namar u symbai u long uba kordor tam bad uba khampher na baroh kiei kiei kiba ngam lah ban ïanujor ïa kiei kiei bad u symbai. Dei na u symbai mih u diengsoh, ki sla bad ki soh. Dei na u symbai mih u jyntang bad u riewhadem. Dei na u phniang symbai mih ki sla tyrso. Dei na u symbai (Shyieng) mih u presbin.
Dei na symbai ba mih ki jhur ki jhep bapher bapher ba ngi bet bad thung ha ki kper bad ki lyngkha ban ioh ka bam ka dih jong ngi ki briew. Khlem don u symbai ngim lah shuh ban rep ïa uno uno u jait jhur. U symbai u long uba kordor tam eh ha ngi ki briew ruh. Khlem u symbai ngin ioh ïa ka longbriew manbriew ruh. U symbai ha ngi ki briew ngi ioh na u shynrang briew ym na ka kynthei.
Haba u shynrang briew u ai bad bet symbai ha ka briew ngi ioh ïa ki khun ki kti.Peit thuh haba ioh symbai na u phareng mih ki khun kum u phareng. Haba ioh symbai na u Negro mih ki khun ba ïongsnieh doh kum u kpa Negro. Haba ngi ioh symbai na u khar Nepali mih ki khun kyrteng shñiuh kum u kpa Nepali.Haba ngi ioh symbai na uno uno u Jaitbynriew ruh mih ki khun kum uta u kpa ba ai symbai.
Kane ym dei ba ngi shu thaw stad manga maphi hynrei ka dei kaei kaei kaba u Blei u la buh beit buh ryntih ha ngi ki briew bad ha ki dieng ki siej bad ki jhur ba lai phew jait kiba mih bad don ha kane ka sla pyrthei. Kane ka long ka jingiohi jongnga kaba ïadei bad ka jingim briew bad ki laiphew jait ki jingthaw ba im baroh.
C. B. Iawphniaw
