Shillong, Lber 16
Ki pulit ka East Khasi Hills District ha ka 16 tarik u Lber 2026, ki la rah noh ïa ki 6 ngut ki snar lute ïa ki ATM, sha District and Session Court ban tian bishar ïa ki.
Ïa kine ki 6 ngut ki snar lute ATM, ba kynthup bad ki bar jylla, ki pulit ka Jylla ki la ïoh ban kem noh ha kine ha ki taïew ba ladep hadien ba la thwet bha ïa ki.
La ïathuh ruh ba kine ki runar ki la kyndang ïa ki ATM ha Mawkriah, Smit bad ha Mylliem kaba dang shu jia shen bad kiba la rong ruh ka pisa ba la jan kot klur haba kheiñ lang.
Kine ki 6 ngut ki snar khyllied ATM ki kynthup ïa u Salim, u Rahul, u John Fiscal Lyngkhoi ba sah ha Umpling bad u Joyous Dura ba sah ha Mawlai Nongkwar, u Rijol Garim na Jakhla, Bongaigaon District bad u Lius Ali na Boragaon.
La ïathuh ba ki ar ngut kiba la kem na Shillong ki dei ki nongïalam lynti bad ki dei ruh kiba ju donkti ha kiba bun ki kam bymman ha ki por ba la leit.
Ki pulit ki la pan por biang na ka Ïingkashari ban tohkit bniah shuh-shuh ïa kine ki 6 ngut ki nonglute ATM.
