Shillong, Lber 16
Ka lympung ïalehkai Late P.A.Sangma Memorial T20 Cricket Tournament 2026 ka la nangjam shaphrang ha ka lah sngi U Blei ha kaba ka Capital Stars bad ka Winds CC ki la khur ïa ki jingjop.
Ha kane ka jingïakhun kaba la long ha madan ïalehkai kriket jong ka MCA kaba ha Polo, ka Capital Stars ka la pynliem noh ïa ka Mawsyiem CC da 9 wiket. Ka Mawsyiem kaba la kam trai ban tied nyngkong ka la kamai tang 78 run hadien ba ka la shah pynkhyllem baroh ki nongtied ha ki 19.1 over. Haba wan shimti ïa ka pali kaba ar, ka Capital Stars ka la lah da kaba suk ban kynjoh sha ka thong da kaba ka la kamai 79 run bad shah pynhap tang 1 wiket ha ki 6.3 over.
Haba phai sha kawei pat ka jingïakhun, ka Winds CC ka la jop da 8 wiket ïa ka Metallica Rising CC. ka Metallic Rising kaba la shimti ban tied nyngkong ka la kamai tang 55 run bad shah pynhap 3 wiket ha ki 5 over. Haba wan shimti ïa ka pali kaba ar, ka Winds ka la lah ban da kaba suk ban kynjoh sha ka thong da kaba kamai 56 run bad shah pynhap 2 wiket ha ki 4.3 over.
