Jowai, Lber 16
Ka Ummulong SC bad The Legend (Lissi Pearl) ki la khur jingjop ha ka District Cricket League ba la pynïaid da ka West Jaiñtia Hills District Cricket Association, ha lah sngi U Blei.
Ha ka jingïalehkai kaba la long ha madan Khliehtyrchi Mini Stadium, ka Ummulong SC ka la jop da 40 run ïa ka Mowkaïaw CYC. Ka Ummulong ka la kamai 172 run ha ki 35 over bad shah pynhap 7 wiket. Hynrei haba wan beh ïa ka thong, ka Mowkaïaw ka la kamai tang 132 run ha ki 33.1 over bad shah pynhap 9 wiket.
Haba phai sha kawei pat ka jingïa-lehkai ha madan Wahïajer Mini Stadium, ka The Legend (Lissi Pearl) ka la jop da 7 wiket ïa ka West Jaiñtia Police. Ka WJP ka la kamai 142 run ha ki 25 over bad shah pynkhyllem baroh ki nongtied. Hynrei haba wan shimti ïa ka pali kaba ar, ka The Legend (Lissi Pearl) ka la lah ban kynjoh sha ka thong da kaba kamai 146 run ha ki 23.3 over bad shah pynhap 3 wicket.
