Shahktah palat 2.57 lak ngut ki khynnah na ka jingduna bam ha Gujarat

Ahmedabad, Lber:

Ki la don palat 2.57 lak ngut ki khynnah ha Gujarat ki don mynta ha ka jingshah ktah na ka jingduna bam, la pyntip ka sorkar jylla sha ka ïingdorbar thawaiñ ha ka sngi Saitjaiñ, kaba la wanrah ïa ka jingpyrkhat kaba thymmai halor ka jingheh jong ka jingeh ha ka bam ha kylleng ka jylla.

Ha ka jubab ba la thoh ba la wanrah hapoh ka ïingdorbar, ka sorkar ka la ong ba ki don 2,57,269 ngut ki khynnah ha kylleng ki 30 tylli ki distrik kiba duna bam. Na kine, ki don 2,11,635 ngut ki khynnah kiba duna ka jingkhia, katba 45,634 ngut ki dei kiba la kheiñ kum kiba duna ka jingkhia kaba jur bha.

Ïa kane ka jingtip la ai da ka Myntri khynnah kaba dei khmih na ka bynta ka Women and Child Welfare haba jubab ïa ki jingkylli ba la wanrah da ki nongthaw aiñ jong ka Indian National Congress.

Ki jingkheiñ katkum ki distrik ki pyni ba katto katne ki distrik kiba bun ki riewlum ki don ïa ka bynta kaba khraw jong ki jingpang. Ka Panchmahal, ka ïathuh ba ka jingdon jong ki khynnah kiba duna bam, ki don 20,762 ngut, ba kynthup ïa 16,836 ngut kiba duna ka jingkhia bad 3,926 ngut ki khynnah kiba duna bha ka jingkhia.

Ka Banaskantha ka don 19,391 ngut ki khynnah kiba duna jingbam, bud sa ka Kheda kaba don 18,590 ngut kiba ïoh ïa katei ka jingpang.

Kiwei pat ki distrik kiba bun bha ki kynthup ïa ka Sabarkantha (16,588), Dahod (16,388) bad Chhota Udepur (16,322).

Ka Chhota Udepur, ka dei ka jaka, kaba bun tam ki khynnah kiba duna bha ka jingkhia ha ka Jylla, ha kaba ki don 4,048 ngut kiba ïoh ïa katei ka jingpang. Ka Panchmahal ka la bud sa 3,926 ngut ki khynnah kiba duna bha ka jingkhia, katba ka Kheda ka la ïathuh ba ki don 3,471 ngut bad ka Banaskantha ki long 3,268 ngut.

Ki jingtip ki pyni ruh ba kane ka jingeh kam dei tang ha ki thaiñ ri lum. Ka Vadodara, ka don 12,766 ngut ki khynnah kiba duna bam, katba ka Bhavnagar (11,648), Kutch (11,546) bad Bharuch (11,453) ruh ki dei napdeng ki distrik kiba la shah ktah jur bha.

Ki distrik sor ki la pynpaw ïa ki jingkheiñ kiba pawnam kumjuh. Ka Ahmedabad, ka don 6,411ngut ki khynnah, kiba duna ka bam, ba kynthup ia 999 ngut kiba duna bha ka jingkhia, katba ha Gandhinagar, ki don 6,467ngut. U Anand (6,352) bad ka Mehsana (5,635) ruh ki la ïathuh ba ka jingkheiñ kaba kham paw.

Ha kaba kut jong ka thup, ka Porbandar, ka dei kaba duna tam, ha kaba ki don 666 ngut ki khynnah kiba duna bam, bud sa ka Botad (2,583) bad ka Dang (3,220).

Ka jingkheiñ jong ka sorkar ka pyni ruh ïa ka jingkiew jong ki jingpang duna bam ha ki katto katne ki distrik. Ka Kheda, ka dei kaba kiew tam, ha kaba ki don sa 689ngut kiba ïoh pang, bud sa ka Chhota Udepur, kaba 275ngut bad ha Amreli, kaba 222ngut bad ka Morbi, ka la ïathuh ba ki don 50ngut kiba la shah ktah.

Ïa kine ki jingkheiñ la wanrah hapoh ka Assembly hapdeng ka jingïakren halor ka bha ka miat jong ki khynnah bad ka jingbam ba tei met ha ka jylla.