Guwahati, ïaïong:
U Myntri Rangbah ka jylla, u Mohan Charan Majhi, ha ka sngi U Blei, u la sdang ïa ka jingleit jngoh kaba ar sngi sha Assam, ban ïalap elekshon na ka bynta ka seng BJP, hashwa ka elekshon sha ka Ïingdorbar Thawaiñ, kaba la thmu ban long ha ka 9 tarik Ïaïong.
Kham hadien ba la poi ha kad liengsuiñ Jorhat, u Majhi u la leit sha Sonari Assembly konstitwensi, ha kaba u la ai jingkren ha ka jingïalang elekshon ha madan ïalehkai Borhat Tea Estate.
Haba ïalap elekshon ban kyrshan ïa u MLA ba dang trei u Dharmeswar Konwar, u Majhi u la kyrpad ïa ki nongthep vote ba kin bat ïa ka jingngeit ha ka BJP bad ban pynskhem ïa ka nongrim jong ka seng ha kane ka thaiñ.
U la ïakren ruh bad ki nongshong shnong bad ki nongbud jong ka seng, da kaba pynpaw ïa ki jingjop jong ki sorkar BJP ha ka kyrdan jong ka sorkar pdeng bad ka jylla.
Hadien kata, u Majhi u la leit sha Kathalguri Tea Estate kaba hap hapoh ka Mariani Assembly konstitwensi, ha kaba u la ai jingkren ha kawei pat ka jingïalang paidbah ban kyrshan ïa u MLA u Rupjyoti Kurmi.
Da kaba pynksan ïa ka roi ka par, ki jingthmu jong ka bha ka miat bad ka jingroi jong ki jingtei, u la kyntu ïa ki nongthep vote ban ïai kyrshan ïa ka BJP na ka bynta ka jingkiew kaba ïai bteng.
U la pynksan ïa ka jinglah jong ka seng BJP ban wanrah ïa shibun ki kam pynroi ha ka jylla bad ban kyntiew ïa ka bha ka miat jong ki nongshong shnong ka jylla ha kiba bun ki liang, khamtam ha kaba ïadei bad ki lad ai jingïarap ïa ki paidbah lyngba ki skhim treikam kiba bun jait.
Hadien ki jingïalap paidbah, u Myntri Rangbah ka jylla u la leit sha Guwahati, ha kaba la buh por ba un sah miet. Haba ïakren bad ki lad pathai khubor, u Myntri Rangbah ka jylla u la ong, “Nga la wan hangne kum u nongïalap elekshon bakongsan, nga la ïohi ba ka BJP ka trei ïa ka bha ka miat jong kiba duk ha Assam, ka sorkar BJP kan sa wanphai biang ha ka bor bad u Himanta Biswa Sarma sa shisien un long myntri Rangbah ka jylla Assam.
Shuh shuh u la ong, “U Myntri Rangbah ka Assam u la ïalap elekshon bha ha ka elekshon Assembly ha Odisha. Ka la dei ka pali jong ngi mynta ban pynthikna ban jied biang ïa ka sorkar BJP ha Assam.”
Ha ka lah sngi U Blei, u Majhi u la thmu ban leit jngoh ïa ka Kamakhya Temple shwa ba un pynkut ïa ka jingleit jngoh jong u bad ban leit phai biang sha Odisha.
