Vijayawada, Risaw:
Uwei u dkhot ka kynhun shipai duriaw jong ka tnat Indian Navy, uba la 31 snem ka rta, u Pradeep Mukherjee, uba la shah kem halor ka jingkynnoh ba u la pynmih ïa ki jingtip ba la buhrieh ha duriaw, sha uwei u nongsyntiat jong ka Pakistan, lyngba ka social media kaba la pynlong ban ngat ha ka shrip jong ka jingpynlong ïa ka jingkhynra, u la shah ïalam hynnin ka sngi hakhmat ka ïingbishar ha Vijayawada.
Ki kynhun jong ka Counter Intelligence (CI) Cell sleuth ki la kem ïa u Pradeep ha ka por ba u dang leit sha ka jinghikai halor ka jingthmu ban nang pynbha shuh shuh ha kaba ïadei bad ka rukom pynïaid ha INS Agrani ha Coimbatore.
Ki heh ophisar, ki ïathuh ba u Mukherjee, uba la rung ha ka tnat shipai duriaw, ha u snem 2014, u dei uba don ha ka tnad shipai duriaw jong ka Eastern Naval Command, ha Visakhapatnam bad u la leit sha katei ka Course, kumba shi taïew eiei.
La kynnoh ba kawei ka nongsyntiat jong ka Pakistan kaba dei ka kynthei ka la ïakynduh ïa u lyngba ki social media, ka la pynlong ïa ka jingïadei online bad ka la ïoh ïa ki jingtip ba kongsan halor ki jingdon jingem jong ki shipai duriaw, ka jingïaid jong ki jhad bad ki jingtreikam jong ka ktem shipai duriaw ha Vizag.
