Shillong, Naitung 19:
Ka kynhun ialehkai phutbol ka ri ka la wanrah burom hadien ba ka la khur ia ka jingjop pyrshah ia ka Kuwait ha ka final jong ka South Asian Football Fede -ration (SAFF) Cham-pionship 2023 bad ia kane ka kynhun la ialam da u kapten u Sunil Chhetri uba la lah ban pynurlong ban kynjoh sha ka thong.
U Sunil Chhetri bad uba dangiai bteng kum u rangialehkai, u la lah ban pynurlong ban khur ia ka khusnam pisa kaba heh hadien ka jingjop ha ka SAFF, kaba sngew phylla ka long ba utei u kapten jong ka ri um pat dei uba riew spah ha ka ri. Uba kham riewspah duh napdeng ki rangialehkai ka ri u dei u Gouramangi Singh, uba la shongthait na kane ka kam ialehkai.
U Gouramangi Singh u la long uba la ioh ia ka jingsiew kaba heh duh bad uba long uba kham riewspah napdeng ki rangialehkai phutboil haduh mynta bad kane ka long palat ia ki khlur ialehkai kum u Sunil Chhetri bad u Bhaichung Bhutia, uba la shongthait.
U Gouramangi Singh u dei uba la san ha ka kam ialehkai na ka Tata Football Academy bad mynta u la shimti kum u assistant coach ia ka kynhun ialehkai Indian Super League ka FC Goa. U Singh uba la wan na kawei na ki shnong rit kaba ha Imphal, Manipur bad u la shongthait na ka kam ialehkai phutbol ha u 2019.
U Gouramangi Singh u la mihkhmat ia ka ri India ha kiba bun ki lympung ialehkai bar ri bad u la iadon bynta bad ka kynhun ialehkai U-20 bad U-23 jong ka ri.
Kumba ka paw, u Sunil Chhetri u la don kumba USD 1.5 million (T.12.30 klur), hynrei la ong ba u Gourmangi Singh u la don haduh USD 5 million (T.41 klur, kynthup ia ki jingdon jingem jong u.
U Bhaichung Bhutia, uba long u rangialehkai ba nyngkong hapoh ka ri, um pat shym la ioh ia ka jingsiew kaba heh kumba u Gouramangi Singh u la ioh. Ki khubor ki iathuh ba u Bhutia u la don kumba T. 5 klur.
U Gurpreet Singh Sandhu, uba long u rangapkol jong ka ri bad uba dei ruh u rangialehkai ka Bengaluru FC, u la jan beh ia u Gouramangi Singh. U Sandhu u la don kumba T. 30 klur.
