Shillong, Naitung 21:
U Bah Rohit Nongspung u la shimti kum u nonghikai ne Youth Coach jong ka kynhun ïalehkai ka Shillong Lajong FC mynta ka aïom, la pynbna katei ka klob ha ka Sngi Thohdieng.
Ha u snem ba la dep, u Bah Rohit u dei u goalkeeper coach ka Mawlai SC bad mynta u la pynleit jingmut noh bad katei ka klob kaba thymmai.
Hadien ba u la ïeh noh ïa ka kam kum u Manager ka Meghalaya Police Football Team, u Bah Rohit u la shimti ban long kum uwei na ki nonghikai ïa ka shlem saiñdur na ka bynta ki khynnah rit (grassroots) kaba hap hapoh ka jingkhmih da ka shlem treikam u District Sports Officer (DSO), East Khasi Hills ha JNS Centre, Polo.
U Bah Rohit haba ïakren bad u nongthoh khubor u la pynpaw ïa ka jingangnud ban trei shitom ïa kane ka sap kaba u don na ka bynta ban btin lynti ïa ki khynnah kiba don sap ha ka kam ïalehkai khang ba kin nang lah ban kiew shaphrang ha ka jingïalehkai phutbol.
