Jowai, Naitung 23:
Ka Luti Tuber Ialong Sports Club ka la lah ban pynliem kput noh ïa ka Tpeppale Sports Club da haduh 9-1 kol ha ka lympung ïalehkai 3rd Division Football Tournament 3rd Adelbert Laloo Memorial Trophy bala pynïaid da ka West Jaiñtia District Sports Association.
Ha ka jingïakhun kaba la long ha ka sngi Saitjaiñ ha madan Kiang Nangbah Stadium ka Luti Tuber Ialong ka la pynliem 9-1 kol ïa ka Tpep Pale.
Ki nongthep kol jong ka Luti Tuber Ialong ki long u Phrangki Dhar ha ka minit ba 4, Leader Mulieh ha ka minit ba 18 & 45, u Fredrick Dhar ha ka minit ba 22, u Bankitbor Dhar ha ka minit ba 36, 60, 68 & 69 bad u Phawame Passah uba la kum thep hi sha la ka jong ka kol ha ka minit ba 53.
Katba ïa ka shi kol jong ka Tpeppale la kum thep bakla da u Ryngkat Dhar (own goal) ha ka minit ba 66.
Ha ka jingïalehkai kaba bud pat ka jingïakhun ka la kut khlem da don kiba lah ban pynkhih jar kata kaba la long hapdeng ka Moodymmai Sports Club pyrshah ïa ka Lumsliarsliar Sports Club.
