Jowai, Naitung 23:
Ka lympung ïalehkai U-17 Independence Day Cup Football Tournament ba la pynïaid da ka West Jaiñtia District Sports Association ha madan Kiang Nangbah Stadium ka la iaid shaid shaid.
Ha ka jingïakhun kaba la long ha ka sngi Saitjaiñ, ka Mukhla Raij Sports Club ka la pynliem noh ïa ka Evergreen Mukhla Sports Club da 1-0 kol bad ïa kane ka kol la thep da u Sanga Sumer ha ka minit ba 60+1.
Katba ka jingïakhun kaba la long hapdeng jong ka Dulong Sports Club pyrshah ïa ka Mulang Ialong Sports Club ka la kut noh ha ka jingïakhaid hadien ba ym shym la don kiba lah ban pynkhih jar haduh ba kut jong ka jingïalehkai.
