Shillong, Naitung 23:
Ka Madan Sohdadek Sports Club ka la ïoh rah ïa ka nam lahduh jong ka lympung ïalehkai ba la tip kum ka Inter Football Tournament ba la pynlong da ka Madan Sohdadek na ka bynta ban kyntiew ïa ka kam ïalehkai phutbol bad kiwei ki jingïalehkai ha ka shnong Sohdadek.
Haba phai sha ka final kaba la long ha ka sngi Saitjaiñ ha shnong Sohdadek, ka jingïalehkai hapdeng ka Madan Sohdadek pyrshah ïa ka Umpdem Sports Club ka la long kaba itynnad bad ïakhaid bha hynrei ha kaba kut, ka shi kol ba la ïoh ban khyrwit ka la pynlong ïa ka Madan Sohdadek ban rah syndon ïa ka nam lahduh bad ban khur ruh ïa ka khusnam song pisa nalor ka trophy.
Ha kane ka sngi pynkut ïa kane ka lympung, la ïadon lang u Bah Ransom Sutnga kum kongsan bad Bah Step War kum symbud kongsan, President ka Sohdadek Sports Club Bah Paskal Khardewsaw bad Bah Rit Lyngkhoi.
