Jowai, Naitung 24:
Ka Mookyrdup bad ka Sohmynting ki la khur ïa ka jingjop ha ka lympung ïalehkai 3rd Division Football Tournament na ka bynta ka 3rd Adelbert Laloo Memorial Trophy ba la pynïaid da ka West Jaiñtia District Sports Association.
Ha jingïakhun kaba la long ha ka Lah Sngi U Blei ha madan Kiang Nangbah Stadium kaba ha Ladthadlaboh Jowai, ka Mookyrdup ka la pynliem noh ïa ka Umshangiar da 2-0 kol.
Naduh kaba sdang kine ki kynhun ki la ïakhun tyngeh bad sei ïa ki sap ïalehkai, hynrei ka Mookyndur ka la ïoh ban pynkhih jar nyngkong eh lyngba u Daohi Kharbih ha ka minit kaba 15. Kane ka kynhun ka la pynbud biang ïa ka kol ba ar ha ka kylla miet lyngba u L. Niang ha ka minit kaba 52 na ka bynta ban khur syndon ïa ka jingjop.
Haba phai sha ka jingïakhun ba ar, ka Sohmynting Dongnein ka la pynliem noh ïa ka Khlieh Myntdu Neinshnong da 2-0 kol. Ha ka kylla step ka Sohmynting ka la pynkhih jar nyngkong eh lyngba u Shan Dkhar ha ka minit kaba 18. Kane ka kynhun ka la pynbud ïa ka kol ba ar lyngba u Saiñbor Kassar ha ka minit kaba 70 jong ka kylla miet.
