Jowai, Naitung 25:
Ka Youth Welfare Social Pynthor ka la ïasam mar shi dor-thong (point) ha ka jingïakhun pyrshah ïa ka Nangbah Mooknor ha ka 3rd Division Football Tournament (3rd Adelbert Memorial Trophy) ba la pynïaid da ka West Jaiñtia District Sports Association ha ka sngi Ba-ar ha madan Kiang Nangbah Stadium Ladthadlaboh Jowai.
Kane ka jingïasam mar shi dor-thong ka la wan hadien ba ïakhaid mar 1-1 kol. Ka Youth Social Welfare Pynthor ka la pynkhih jar nyngkong eh lyngba u Chivalry Lipon ha ka minit kaba 47, hynrei ka Nangbah Mooknor ka la pynphai kylla lyngba u Heinidawan Thubru.
Haba phai sha kawei pat ka jingïakhun kaba ar, ka Lumkhangdong Kyndongtuber ka la khur ei ïa ka jingjop hadien ba ka Tpep Pale kam shym la wan mih sha madan. Kumta ka Lumkhangdong Kyndongtuber ka la khur ei ïa ki lai dor-thong.
