Shillong, Naitung 25:
Ka Lumdaitkhla SC ka la khur ïa ka jingjop ha ka lympung ïalehkai Football Knockout Tournament 2023 ba la pynïaid da ka Ri Khasi Social & Cultural Sports Club. Kane ka wan hadien ba ka lah ban pynliem noh ïa ka Dieng Sma Ud F.C lyngba ka tie-breaker da 4-3 kol ha ka Sngi Ba-ar ha madan Kurkalang kaba ha Bhoi Rymbong.
Ha kane ka jingïakhun baroh ar tylli ki kynhun ki la ïakhun tyngeh naduh kaba sdang bad ha kaba kut ki la ïakhaid mar 1-1 kol. Dei ha ka jingïashut tie-breaker ba ka Lumdaitkhla ka la thep da 3-2 kol na ka bynta ban khur syndon ïa ka jingjop.
Kane ka lympung kan bteng biang ha ka sngi Saitjaiñ ha kaba ka Mawtneng S.C kan ïakhun pyrshah ïa ka P.F.R. Football Academy.
