Shillong, Naitung 25:
Ka Army Public School kaba na Umroi Military Station ka la shim ïa ka sien jan kaba nyngkong eh ban pynlong ïa ka 1st Meghalaya Inter-school Taekwondo Champion -ship 2023 ha ka 22 bad 23 tarik mynta u bnai ha Umroi Military Station.
Ïa kane ka lympung la ïasnohkti lang da ka Meghalaya Taekwondo Association bad ka Taekwondo Association of Ri-Bhoi District. Ïa ka jingpynhap pyrda ïa kane ka lympung la pynlong ha Red Horn Auditorium, Umroi Military Station ha kaba la ïadon lang da ki nongpeitkai, kiba kynthup ïa ki nongïalehkai martial arts na kylleng ka jylla, ki ophisar, ki nongshah khot sngewbha kiba na army stationed ha Umroi lem bad ki khynnah.
Ïa kane ka lympung la plie da ka Madhuri Shende, Chairperson jong ka Family Welfare Organisa-tion, 24 Mountain Brigade. Ki la don haduh 412 ngut ki khynnah na ki 96 tylli ki skul kiba la wan ïashim bynta na kylleng ka Jylla ha kane ka lympung kaba la phiah ha ki lai tylli ki kyrdan; Under-14, Under-17 bad ka Under-19 jong ki kynthei bad shynrang.
Ïa ka nam lahduh ha kane ka lympung la rah da ka Kendriya Vidyalaya, Happy Valley, Shillong.
Ha katei ka sngi pynhap pyrda la ïadon lang ruh ki nongmih-khmat jong ka Megh-alaya Taekwondo Asso-ciation bad ka Taek-wondo Association of Ri-Bhoi District, kiba kynthup ïa u General Secretary u Jadumani Singh bad u President u Manoj Singh bad kiwei.
