![Ha ka sien nyngkong khlem lah thep kol u Messi ïa ka Inter Miami messi](https://unongsainhima.com/wp-content/uploads/2023/09/messi.jpg)
Shillong, Nailar 31
Ka long ka sien kaba nyngkong eh ïa ka Inter Miami ba kam shym lah ban thep kol naduh ba la wan ïasoh u Lionel Messi naba kane ka kynhun ka la ïakhaid khlem don ba thep kol pyrshah ïa ka Nashville.
Ha kane ka jingïakhun u Messi um shym la lah ban pynurlong ïa ki ar tylli ki freekick bad kane ka long ka sien kaba nyngkong ha ka Major League Soccer ha la ïing. Ha kajuh ka por ka long ka sien kaba nyngkong eh ha ka jingwan ïalehkai ka jong u ha ka Inter Miami kaba um shym la lah ban thep kol.
Te kumta ka Inter Miami ka dang ïoh ban kamai point bad ka dang-duna haduh 11 point ban ïoh rung sha ka thup jong ka playoff. Ka Miami ka donkam ban jam na ka kyrdan ba khadsaw sa kaba khyndai khnang ba ka lah ban rung sha ka thup jong ka playoff.