Shillong, Jylliew 27
Ki ar ngut ki nongtied golf jong ka ri, kata ka Aditi Ashok bad ka Diksha Dagar ki la ïoh jaka na ka bynta ban ïashim bynta ha ka Paris Olympics hadien ba ki la lah ban pynpaw ïa ka jingtbit ha ka Le Golf National.
Kane kan dei ka sien kaba lai ïa ka Aditi ban ioh rung sha ka Olympics, katba kan long ka sien kaba ar ïa ka Diksha. Ka India ka la lah ban ïalehkai bha ha ka Olympics lyngba ka Aditi kaba la wan ha ka kyrdan basaw ha ka Tokyo Games 2020.
Ïa ki nongïalehkai kiba ïoh rung sha ka Olympic la phah sha ka Indian Golf Union bad ka jingïoh rung ka shong kat kum ki kyrdan, ha kaba haduh 60 ha ka liang ki shynrang bad khambun ki ‘thei ïalehkai lyngba ka Official World Golf Rankings (OWGR).
Ki nongïalehkai kiba don haduh ka thup kaba 15 ha ka OWGR ki ïoh rung sha ka Olympics ha kaba tang haduh saw ngut ki nongïalehkai la shah ba kin ïakhun ha ka jingïalehkai para marwei na ka bynta ka ri jong ki.
Na ka Olympic Golf Rankings (OGR), ki 15 ngut ki nongïalehkai kiba kynthup ïa tang ar ngut ki nongïalehkai ba kynsai ki ïoh ïa ka lad ban mihkhmat ïa la ka jong ka ri, namar la shah tang ar ngut napdeng kitei ki nongïalehkai kiba la don hapoh ka thup kaba 15.
Ka Aditi, kaba la bat ïa ka kyrdan ba hakhlieh ha ka liang ki kynthei na India, ka la ïoh rung lyngba ka OGR jong ka 24, katba ka Diksha ka la ïoh rung lynga ka OGR jong ka 40.
