Shillong, Jylliew 27
Ka Mawkynrew Cup Committee ka la pynkup burom ïa u MLA ka thaiñ u Bah Banteidor Lyngdoh hadien ba u la shah jied kum u President ba thymmai jong ka Shillong Sports Association.
Ïa kane ka jingpynkup burom la pynlong ha ka sngi Palei ha ka kamra treikam jong u kaba ha Meghalaya Secretariat ha ka jingdonlang ki nongmihkhmat jong san tylli ki klob.
Haduh mynta ka Mawkynrew ka la lah ban sei haduh 5 tylli ki klob na katei ka thaiñ. Nalor ka Jongksha bad ka Laitkyrhong kiba la don ha ka kyrdan ïalehkai Second Division, hynrei dei lyngba ka jjngshim khia da u Bah Banteidor la lah ban sei sa lai tylli ki klob kiba kynthup ïa ka Kharang bad ka Ïatyllilang Laitdiengsai ki la don ha ka kyrdan Third Division bad ka Thynroit ka la don ha ka kyrdan ïalehkai Fourth Division.
