Shillong, Jylliew 28
Ka lympung ïalehkai Under-20 4th Division 2024 ba la pynïaid da ka Shillong Sports Association ka la jam shaphrang ha kaba ka Madan S&CC bad ka Maw-ñianglah Youth SC ki la ïoh jingjop ha ka sngi Thohdieng ha madan SSA Stadium kaba ha First Ground, Polo.
Ha ka jingïakhun kaba nyng-kong jong ka Group-C, ka Madan ka la pynliem noh ïa ka Golflink SC da 3-1 kol. U Phermanbha Lyngdoh u la ïoh ban thep ar kol ha ka minit kaba 18 & 67, katba ïa ka shi kol la thep da u Anderson Nongkynrih (61). Na ka liang ka Golflink ka la lah ban pynphai kylla shi kol lyngba u Willborn langstieh ha ka minit kaba 19.
Haba phai sha ka jingïakhun jong ka Group-B, ka Mawlyngngad SC ka la shah rem noh da 2-0 kol ha ka Mawñianglah Youth SC. Kane ka nam jop ka la wan urlong lyngba ki ar kol ba la thep da u Frenchester Nongkhlaw ha ka minit kaba 17 & 21.
Kane ka lympung kan bteng biang ha ka sngi Saitjaiñ ha kaba ka Nongkolew SC kan ïakhun pyrshah ïa ka Risa Colony SC ha ka por 1:45 janmiet, katba ka Them Rangshken ACC ïa ka Laitlulong SC ha ka por 4 baje janmiet.
