Jowai, Naitung 19
Ka West Jaiñtia District Sports Association (WJDSA) ka la wer ïa ki kynhun ïalehkai sha ka lympung ïalehkai Under-17 Independent Day Cup Football League Tournament 2024.
Kat kum ka kyrwoh ba la pyllait da u General Secretary kane ka synjuk u Bah Lammatoo Laloo, la ong ba ka bai rung ka long T. 2750 ryngkat ka bai pynrung kyrteng ïa uwei u nongïalehkai ka ban ym palat ïa 25 ngut. Ka tarik sngi kha jong ki nongïalehkai kan long naduh ka 01.09.2007 ryngkat ki kot ki sla kiba donkam ki long ka Aadhaar bad syrnod sngi kha.
Ka tarik ba khatduh ban pynpoi ïa ka bai rung ka long ha ka 25 tarik mynta u bnai sha u General Secretary. Ka jingjurip rta ïa ki khynnah kan long ha ka 27 tarik mynta u bnai naduh ka por 10 baje mynstep ha Kiang Nangbah Indoor Hall, Dongmihsngi.
