Shillong, Naitung 21
Ka lympung ïalehkai jong ka 3rd Division ban pynlong da ka Shillong Sports Association (SSA) kan sdang noh ha ka 25 tarik mynta u bnai Naitung 2024. Ka jingïalehkai ha kane ka sngi sdang kan long hapdeng ka Kharang Sports Club pyrshah ïa ka Nongumlong Sports Club ha ka por 1 baje mynsngi.
Ki jingïalehkai kiba bud pat jong kane ka lympung, kin long ha ka 26 tarik u Naitung hapdeng ka Lapalang Sports Club pyrshah ïa ka Nongmensong Sports Club ha ka por 1 baje mynsngi.
Kumba ka long mynta, ha ka lympung jong ka 3rd Division, ki kynhun ban ïashim bynta baroh ki don 21 tylli. ïa kine ki kynhun la phiah sha saw tylli ki Group, ka Group-A, B, C bad D.
Ha ka Group A ki don haduh hynriew tylli ki kynhun, katba ha ka Group B, C bad D la pynrung mar san tylli ki kynhun.
Haba phai sha ka Group A, ki kynhun ki long ka Kharang SC, Nongum-long SC, Lapalang SC, Nongmensong SC, Mawryngkneng SC bad ka Pomlakrai SC. Ha ka Group B pat ki don ka Iaityllilang SC, ka Umlyngka SC, Krang, Lumparing bad ka Mawpat. Ha ka Group C ka Mawkriah West, Umpling, Lawmali, Lumdiengjri bad Gorkha Association bad ha ka Group D ka Lamlynti (Madanlyngkhi), Mawsh-buit, Sanmer, Tynring bad Rynjah.
Na ka liang jong ka SSA ka la pyntip ruh ba na kine ki saw tylli ki group, ki ar tylli ki kynhun kiba heh point kin ïoh rung sha ka quarter-final bad ha ka jingïakhun quarter-final lada ïakhaid yn rah beit ïa ka jingïalehkai sha ka jingshut tie-breaker ban ïoh ka nongjop, naba kan ym don extra time. Ïa ka Extra Time yn pyntreikam naduh ka jingïalehkai ha ka kyrdan semi-final bad final.
