Shillong, Naitung 22
Ka lympung ïalehkai Under-20 Fourth Division Foortball League ba la pynïaid da ka Shillong Sports Association ka la nang jam shaphrang ha kaba ka Lumkseh SC bad ka Mawpdang SC ki la ïoh jingjop ha ka Lah Sngi U Blei.
Ha kane ka jingïakhun kaba la long ha SSA Stadium, ka Mawpdang ka la pynliem noh ïa ka Umïew Maw U Sam da 3-0 kol. U Samborlang Langte u la the par kol ha ka minit kaba 16 & 70+2 bad ïa kawei pat la thep da u Pyntiplang Syiem (36).
Ka Lumkseh ka la pynliem noh ïa ka Risa Colony SC lyngba ka shi kol ba la thep da u Banteinam Khonglam ha ka minit kaba 35+1.
Haba phai sha kawei pat ka jingïalehkai kaba la long kham hashwa hapdeng ka Madanryting SC bad ka Umrynjah SC ki la ïakhaid mar 2-2 kol. Na ka Madanryting la thep da u Michael Rajee (26) bad u Sparlington Thongni (65). Hynrei ka Umrynjah ka la pynphai kylla lyngba u Wanboklang L. Nongbri (53) bad u Bashemphang Nongkhlaw (63).
Ka jingïalehkai ha ka sngi Ba-ar kan long hapdeng ka Laitkroh SC pyrshah ïa ka Mawklot SC ha ka por 1:45 mynsngi, katba ka Mawphlang SC ïa ka Diengpasoh SC ha ka por 4 baje janmiet bad kine ki jingïakhun kin long ha SSA Stadium.
