Mairang, Naitung 22
Ka Eastern West Khasi Hills District Badminton Association ka la pynkut noh ïa ka lympung ïalehkai badminton ba la tip kum ka 4th Eastern West Khasi Hills District Badminton open cum Inter school Badminton tournament 2024 kaba ar sngi lynter.
Ha kane ka lympung ïalehkai kaba la pynlong ha Indoor Stadium Mairang Mission, ka Mairang Pres. English Secondary School ka la long ka lahduh ha kaliang ki khynnah shynrang (boys team event) lyngba u Mewanlamkupar Marbanniang bad u Jopshwa L.Mawnai na ka Mairang Pres. Academy Secondary School, katba u Ahbansanhame Basaiawmoit bad u Mevin Rodrick L.Mawlong na ka Mairang Pres. English Secondary School ki la wan ha ka kyrdan kaba ar.
Nangta ha ka Girls Team Event pat la rah da ka Khadsawphra Higher Secondary School lyngba ka Caitlyne Basaiawmoit, ka Adorene Wankadahun Basaiawmoit bad ka Doreen Ryntathiang. Katba ïa ka nam ba-ar la ïoh da ka Mairang Pres.English Secondary School lyngba ka Talylne Basaïawmoit bad ka Cardinia Basaïawmoit.
Ha ka Under-13 girls singles pat la jop da ka Freeza Nongrum, katba ha ka Under-13 boys singles la jop da u Ahbansanhame Basaiawmoit. Shuh shuh ha ka Under-13 boys doubles ïa ka nam jop la khur da u Venial Mardon Kharjana bad u Mewanbhalang Pathaw.
Ha ka Under-16 girls singles pat ïa ka nam jop la rah da ka Ibanylla Thabah, katba ha ka Under-16 girls doubles pat la rah nam jop da ka Ibanylla Thabah bad ka Ibapyntngen Warjri .
Shuh shuh ha ka Under-16 boys singles ïa ka nam jop la ïoh rah da u Felix Osbert Nongrang ,katba ha ka Under-16 boys doubles da u Felix Osbert Nongrang bad u Lamjingshai Pathaw .
Ha ka Under-19 girls singles ïa ka nam jop la ïoh rah da ka Talylne Basaiawmoit, katba ha ki Under-19 boys singles la khur da u Mewanlamkupar Marbanniang. Ha ka Under-19 boys doubles pat la jop da u Mewanlamkupar Marbaniang bad u Bawanlang L.Mawnai .
Haba phai pat sha ki Seniors open category pat ha ka liang ki shynrang la khur jingjop da u Mewanlamkupar Marbanniang, katba ha ka men’s doubles la jop da u Mewanlamkupar Marbanniang bad u Stephan Vanlalruata Kharsyiem.
Shuh shuh ha ka men’s doubles pat ïa ka nam jop la khur da Mewanlamkupar Marbanniang bad Stephan Vanlalruata Kharsyiem, ha ka liang ki kynthei la khur da ka Naniaiphira Wahlang bad ka Deisicresha Marbaniang, nangta ha ka Mixed Doubles pat la khur da u Mewanlamkupar Marbanniang bad ka Deisicresha Marbaniang.
Ha katei ka sngi pynkut ïa katei ka lympung, nalor ki nongkitkam ka synjuk la donlang ruh ka Kong Balarina Syiem, District Sports Officer (DSO) West Khasi Hills kum ka kongsan bad kiwei kiwei kiba la sam ïa ki khusnam sha ki nongjop bapher bapher.
