Shillong, Naitung 23
Ka Laitkroh SC bad ka Mawphlang SC ki la ïoh jingjop ha ka lympung ïalehkai Under-20 Fourth Division Football League ba la pynïaid da ka Shillong Sports Association ha ka Ssngi Ba-ar.
Ha kane ka jingïakhun kaba la long ha First Ground, Polo, ka Laitkroh SC ka la pynliem noh ïa ka Mawklot SC da 3-0 kol. U Lebenstar Nongkynrih u la ïoh ban thep marwei ar kol ha ka minit kaba 33 & 70+2, katba ïa kawei pat la thep da u Bamutlang Kharkongor (39).
Ha kawei pat ka jingïakhun kaba ar, ka Mawphlang SC ka la jop da 2-1 kol ïa ka Diengpasoh SC. Kane ka lympung kan bteng biang ha ka sngi Balang ha kaba ka Nongthymmai Nongkynrih SC kan ïakhun pyrshah ïa ka Umsohsun SC ha ka por 1:45 mynsngi, katba ka Laitumkhrah SC ïa ka Riatsamthiah SC ha ka por 4 baje janmiet.
