Mawkyrwat, Naitung 23
Kum shibynta ban kyntiew ïa ki khynnah kynthei ha ka jinglehkai phutbol, ka Kyntiew La I Sap Multipurpose Organisation ha ryngkat ka District Sports Promotion Society ha ka Sngi Ba-ar ka la plie ïa ka lympung ïalehkai 3rd Independence Cup Women Knockout Football Tournament 2024 ha madan Pynden ïew Lyngdoh Nonglang, South West Khasi Hills District.
Ïa kane ka lympung la plie da u samla Forwardman Nongrem, President KSU South West Khasi Hills District kum u kongsan ha ryngkat ka jingdonlang u Bah Harvestar Khongthaw kum u symbud kongsan, ka Kong Balutmon Nengnong (Football Coach) jong ka shlem treikam u DSO ka SWKHD, Bah Beningstar Lyngkhoi (Athletic Coach), Bah Ben Johnson Lyngdoh, Secretary KLISMO bad kiwei.
Ha kane ka lympung la wan ïashim bynta kumba 12 tylli ki kynhun naduh ki skul bad ki klob bapher bapher jong ka thaiñ Mawkyrwat.
Ha kane ka sngi sdang, ka Brothers Football Academy ka la pynliem noh ïa ka Pynden Sakwang da 5-0 kol, ka Rangthong ka la jop da 2-1 kol ïa ka Sdang Pyrshang, ka Ka Sakwang ka la jop da 2-1 kol ïa ka Jakrem, katba ka Jakrem SC ka la lah ban pynliem noh ïa ka South Pirate da 1-0 kol.
