Shillong, Nailur 15
Ka Mawpat SC bad ka Mawkriah West SC ki la ïoh jingjop ha ka lympung ïalehkai Third Division Football League 2024 ba la pynïaid da ka Shillong Sports Association ha ka Sngi Saitjaiñ.
Ha kane ka jingïakhun kaba la long ha SSA Stadium Polo, ka Mawpat SC ka la pynliem noh ïa ka Umlyngka SC da 2-1 kol.
Wat la ka jingïakhun ka la long kaba ïakhaid, hynrei hadien shiteng kynta ka Umlyngka ka la ïoh ban pynkhih jar nyngkong eh lyngba u Chaster Makhroh ha ka minit kaba 38 na ka bynta ban tam da shi kol ha ka kylla step.
Ha shwa ban wai ka jingïalehkai ka Mawpat ka la lah ban pynphai haduh ar kol lyngba u Batiplang Bamon ha ka minit kab 81 bad u Dikorta Nongrum (85) na ka bynta ban ïoh jingjop shi syndon.
Haba phai sha kawei pat ka jingïakhun kaba ar, ka Mawkriah West ka la pynliem noh ïa ka Gorkha Association lyngba ka shi kol ba la thep da u Hosterfil Kharbudnah ha ka minit kaba 45.
Ka jingialehkai ha ka lah sngi U Blei kan long hapdeng ka Lawmali SC pyrshah ïa ka Umpling SC ha ka por 12:30 mynsngi, katba ka Mawryngkneng SC ïa ka Lapalang SC ha ka por 3:30 janmiet.
