Khliehriat, Nailur 16
Ka Deinshalalu bad ka Sutnga Mission SSCC ki la jam sha ka quarter final ha ka lympung ïalehkai 2nd Division Football Tournament ba la pynïaid da ka East Jaiñtia Hills District Football Associa-tion (EJHDFA).
Ha ka jingïalehkai jong ka wat kaba khatduh kaba la long ha ka Lah Sngi U Blei ha madan Artificial Turf Diengshynrum kaba ha Khliehriat, ka Deinshalalu SC ka la pynliem noh ïa ka Ïongkaluh SCSC da 1-0 kol. Kane ka shi kol ka la urlong lyngba u Shemphang Ksih ha ka minit kaba 9.
Haba phai sha kawei pat ka jingïalehkai hapdeng ka Musniang SC bad ka Sutnga Mission SSCC ki la ïasam mar shi point hadien ba ki la ïakhaid mar 1-1 kol. Ïa ka kol jong ka Sutnga Mission la thep da u Rilang Wahlang ha ka minit kaba 2, katba ka Musniang ka la lah ban pynphai kylla ha ka minit kaba 17 lyngba u Mardi Rymbai na ka bynta ban ïakhaid mar shi kol.
